Hæ, hæ!!
Við skemmtum okkur bara alveg konunglega í gær. 
Ég og "gaurarnir" mínir hjóluðum til Ísabellu, þar fórum við útí garð og fengum kaffi og með því og krakkarnir róluðu, og hoppuðu á risa trampólíni, þeim fannst alveg rosalega gaman.  Á heimleiðinni hjólaði Ásbjörn "aðeins" of hratt og datt alveg hrikalega illa, hjólið var í hálfgerðri kássu (gátum samt rétt úr því aftur) og Ásbjörn allur rispaður, en tilhugsunin um Súpermanplástur græðir öll sár og hann var fljótur að jafna sig og hjóla aftur af stað.
Binni fór svo með strákana á þetta kammerfest hér fyrir utan, þetta voru víst hálfgerðir sígaunar að reyna að selja eitthvað og okruðu svo á spennandi leiktækjum fyrir börn, en strákarnir skemmtu sér allavega konunglega og komu heim með risastóra uppblásna hamra og það tístir í þeim þegar það er lamið með þeim, æðislega skemmtileg leikföng.
Um kvöldið komu svo Einar, Dagmar og Örn í mat til okkar og við vígðum borðstofuborðið!!  Maturinn var rosalega góður (þó ég segi sjálf frá), ég bjó til nýjan link: uppskriftir, þar setti ég inn uppskriftina af kjúklingnum sem ég gerði, þið verðið að prófa, þetta er GEÐveikt gott.  Eftir matinn fengum við okkur osta, vínber og hvítvín og höfðum það huggó.  Það er frekar erfitt að finna góða osta hérna, ég fann Camembert og svo einhvern annan sem endaði í ruslinu!! Við verðum bara að vera dugleg að prófa okkur áfram í þessu.  Það er líka erfitt að finna gott brauð hérna, ég er alltaf á leiðinni að fara að baka brauð sjálf, ég vona að ég láti verða að því fljótlega.

Jæja, nú er nóg komið af bulli í bili...