Allir að hjóla!!

31. ágúst 2006 klukkan 00:39
Það er nú alltaf jafn rólegt hjá mér þessa daganaÓákveðinn,  ég fékk reyndar samþykki fyrir þessum "aumingjastyrk" sem ég sótti um (hann heitir á dönsku Starthjælp),  eftir ca. 2 vikur verð ég send í viðtal til að meta mig inn í málaskólann sem verður 3 daga í viku og svo á ég að vinna (sjálfboðavinnu) 2 daga í viku, það er til þess að ég læri að tala innan um fólk,  mér skilst að ég megi koma með einhverjar óskir um það hvar ég vil vinna en svo verður að koma í ljós hvort það gangi upp.  Til að halda þessum styrk verð ég að sýna framá að ég sé að sækja um vinnu.  Mér finnst það samt hálf hallærislegt að vera í skóla mestallan daginn og verð samt að sækja um vinnu, hvað ef ég yrði svo ráðin??, þá þyrfti ég náttúrulega að hætta í skólanum!!  En þetta kemur allt í ljós.  Jóhann Ingi er orðinn rosalega duglegur að hjóla,  ég skellti mér á línuskauta um daginn og strákarnir hjóluðu og það gekk bara súper vel, svo í gær hjóluðum við öll saman útí búð (5,5 km fram og til baka), það gekk alveg ótrúlega vel, strákarnir blésu ekki úr nös alla leiðina. En Jóhann Ingi er samt frekar mikið utan við sig og orðið "HA" er frekar mikið "inn" hjá honum (nema hann sé farinn að heyra svona illa!!),  Svo hjóluðum við saman í leikskólann í morgun, Jóhann Ingi rosa stoltur að vera á sínu hjóli en ekki í vagninum, það tók okkur ca. 20 mín. að hjóla þangað, venjulega erum við um 10 mín. eða minna.  En okkur liggur nú ekki mikið á, það er ekki eins og það sé eitthvað brjálað að gera hjá mérÓákveðinn.  Ég er búin að vera að dunda mér við baka brauð, gerði brauðbollur og gerlaust brauð og kanilsnúða, það tókst bara þokkalega, ætla að baka fleiri brauð á morgun.

Jæja þá í þetta sinn... bið að heilsa í biliKoss.
Ágústa G. Ásbjörnsdóttir
9 athugasemdir

Gaman í gær!!

27. ágúst 2006 klukkan 14:16

Hæ, hæ!!
Við skemmtum okkur bara alveg konunglega í gærHlæjandi. 
Ég og "gaurarnir" mínir hjóluðum til Ísabellu, þar fórum við útí garð og fengum kaffi og með því og krakkarnir róluðu, og hoppuðu á risa trampólíni, þeim fannst alveg rosalega gaman.  Á heimleiðinni hjólaði Ásbjörn "aðeins" of hratt og datt alveg hrikalega illa, hjólið var í hálfgerðri kássu (gátum samt rétt úr því aftur) og Ásbjörn allur rispaðurGráta, en tilhugsunin um Súpermanplástur græðir öll sár og hann var fljótur að jafna sig og hjóla aftur af stað.
Binni fór svo með strákana á þetta kammerfest hér fyrir utan, þetta voru víst hálfgerðir sígaunar að reyna að selja eitthvað og okruðu svo á spennandi leiktækjum fyrir börn, en strákarnir skemmtu sér allavega konunglega og komu heim með risastóra uppblásna hamra og það tístir í þeim þegar það er lamið með þeim, æðislega skemmtileg leikföngÓákveðinn.
Um kvöldið komu svo Einar, Dagmar og Örn í mat til okkar og við vígðum borðstofuborðið!!  Maturinn var rosalega góður (þó ég segi sjálf fráSkömmustulegur), ég bjó til nýjan link: uppskriftir, þar setti ég inn uppskriftina af kjúklingnum sem ég gerði, þið verðið að prófa, þetta er GEÐveikt gott.  Eftir matinn fengum við okkur osta, vínber og hvítvín og höfðum það huggó.  Það er frekar erfitt að finna góða osta hérna, ég fann Camembert og svo einhvern annan sem endaði í ruslinu!! Við verðum bara að vera dugleg að prófa okkur áfram í þessu.  Það er líka erfitt að finna gott brauð hérna, ég er alltaf á leiðinni að fara að baka brauð sjálf, ég vona að ég láti verða að því fljótlega.

Jæja, nú er nóg komið af bulli í bili...

Ágústa G. Ásbjörnsdóttir
2 athugasemdir

Lítið að frétta!!

25. ágúst 2006 klukkan 15:29
Hæ, hæ!!
Það er nú ósköp lítið að gerast hjá okkur þessa dagana.  Við strákarnir hjólum alla morgna í leikskólann og það gengur alveg súper vel, nema Jóhann Ingi er frekar fúll með að þurfa að sitja í vagninum og Ásbjörn fær að hjóla, en hann lætur sig samt hafa það á endanum.  Í morgun var fyrsti dagurinn sem Ásbjörn sleppti mér strax í leikskólanum, hann fór bara að leika sér og var voða glaðurBrosandi, en þá þurfti hinn náttúrulega að taka við og vildi ekki sleppa mérÓákveðinn, en hann átti það svosem inni, búinn að vera rosalega duglegur hingað til, en hann var fljótur að gleyma sér, það liðu varla 5 mín., þá var hann farinn að leika sér og ég gat bara farið með góðri samvisku þennan daginnSaklaus.

Á morgun verður nóg að gera hjá okkur, okkur er boðið í heimsókn til Ísabellu sem er með strákunum á leikskóla, svo er eitthvað um að vera hérna útí garði, Kammerfest heitir það, þar verða leiktæki fyrir börn og fullt af sölubásum og svo um kvöldið koma Einar og Dagmar í mat til okkar, við ætlum að vígja borðstofuborðið!!Hlæjandi
Og á sunnudaginn slöppum við örugglega bara af, förum í hjólatúr og eitthvað svoleiðis skemmtilegt.

Ég og Dagmar fórum í bæjarferð áðan, kíktum í búðir náttúrulega, það er alltaf svo gaman og viti menn, ég keypti mér peysu, það er alltaf svoleiðis að þegar maður ætlar ekkert að kaupa sér þá finnur maður alltaf eitthvað flottBrosandi.

Bless í bili.. og góða helgi...
Ágústa G. Ásbjörnsdóttir
1 athugasemd

Farin að hjóla.

22. ágúst 2006 klukkan 03:15
Jæja nú erum við búin að koma okkur ágætlega fyrir.  Ég er búin að dusta rykið af hjólinu mínu, ég hef ekki hjólað í mánuð og er gjörsamlega þollausUllandi.  Ég hjólaði með strákana í leikskólann í morgun, þeir voru í hjólavagninum og ég var næstum búin á því og það hjálpaði ekki til að ég var í peysu (til að byrja með!!).  Strákarnir fóru að hjóla hér fyrir utan í gær, Ásbjörn settist bara uppá hjólið sitt og hjólaði af stað án hjálparadekkja og hjólaði eins og hann hafi aldrei gert neitt annað, ekkert smá duglegur.  Hann ætlar að hjóla í leikskólann á morgun eða hinn, það er ekkert mjög langt í burtu, 5-7 mín. að hjóla.

Svo klikkaði flotta þvottavélin okkarFýldur, hún vatt ekki og við skiluðum henni og fengum aðra, tölvan í vélinni var víst ónýt og við fengum AEG lavamat í staðinn, hún er vonandi ágæt.  Verður bara að duga í 4 ár!!

Á síðasta laugardag fórum við á landamærin að versla, versluðum í matinn og misstum okkur aðeins í áfengiskaupumSkömmustulegur, það var bara ekki annað hægt!!
En annars var helgin bara róleg og afslöppuð, hvíldum okkur eftir flutningana.

Skál í botn....Hlæjandi
Ágústa G. Ásbjörnsdóttir
9 athugasemdir

Flutt!!

19. ágúst 2006 klukkan 23:41
Heil og sæl.
Þá erum við loksins flutt.  Erum búin að vera á fullu að koma okkur fyrir og versla endalaust smotteríBrosandi.  Íbúðin er bara mjög fín, ansi stór á okkar mælikvarðaGlottandi, strákarnir eru saman í herbergi og þar er nóg pláss.  Við erum ekki enn komin með símanr. og internet en það er búið að panta það svo þetta hlýtur að smella allt saman eftir helgi.

Strákarnir eru byrjaðir í leikskólanum, Ásbirni finnst þetta erfitt, sérstaklega vegna þess að hann getur ekki talað og heldur ekki skilið hina en íslensku krakkarnir eru mjög dugleg að vera með honum og Ásbjörn spyr þau hvað hitt og þetta þýðir á dönsku, svo sagði fóstran mér að hinir krakkarnir væru mjög áhugasöm um hann og hann var mjög ánægður að heyra það.   Þegar hann er búinn að aðlagast vel þá fer hann í dönskukennslu hjá einhverri konu í leikskólanum til að styrkja hann fyrir grunnskólann.
Jóhann Ingi er mjög ánægður og leikur og talar við hvern sem er, hann vildi meira að segja borða með annarri deild í ávaxtastundinni og fékk að gera það.

Við erum allavega öll mjög ánægð og verðum það vonandi áfram.
Læt vita af okkur þegar við erum komin með internet, 
 bestu kveðjur...
Ágústa G. Ásbjörnsdóttir
6 athugasemdir

Singing in the rain:o/

14. ágúst 2006 klukkan 15:03
Undanfarna daga hefur bara rignt, það er svosem ágætt að fá pásu frá hitanum en þetta er eiginlega einum of.  Í fyrradag keyrðum við til Padborg, sem er við landamæri Þýskalands og keyptum þvottavél, það voru svört ský yfir okkur og þrumuhljóð og svo kom hellidemba.  Í gær fóru ég, Binni og Jóhann Ingi til Tönder og keyptum skenk, og auðvitað var hellidemba á heimleiðinni, maður varla sá út.
Við förum að skoða eldhúsborð í kvöld og ef við kaupum það þá erum við búin í húsgagnainnkaupum í bili.  Við keyptum sófasettið á síðasta föstudag og í gær var það búið að lækka um 12000 kr., við ákváðum að fara í búðina og athuga hvort við fengjum það ekki á þessu verði því við erum ekki einu sinni búin að fá sófasettið og það var bara ekkert mál.  Við ætlum að safna okkur eikarhúsgögnum í stofuna og kaupa bara eitt og eitt í einu því þau eru frekar dýr.  Ég held við séum búin að gera mjög góð kaup hingað til, við erum búin að kaupa sófasett, borðstofuborð + 6 stóla, skenk, sófaborð, eldhúsborð + 4 stóla og  þvottavél fyrir tæplega 111,000 kr.

Við flytjum svo í okkar íbúð á morgunHlæjandi og hinn daginn byrja strákarnir í leikskólanum, þeim er farið að hlakka mikið til, komnir með hálf leið á hvort öðrum. Þeir splittuðust í fyrsta skiptið í tvær vikur í gær. Þá var Ásbjörn hjá Dagmar og Einari á meðan við hin fórum að kaupa skenkinn.  Og þeir nutu sín báðir svo vel, sérstaklega Ásbjörn, honum fannst æðislegt að fá að vera hjá þeim.

Ég held ég verði nú að minnast á það hvað "sænski eðalvagninn" okkar hefur staðið sig vel, það er gjörsamlega hægt að flytja næstum allt í honum.  Hann var stappaður af drasli á leiðinni hingað til Danmerkur svo er búið að flytja í honum 2m langt borðstofuborð, þvottavél og stóran skenk og meðaleyðslan hefur minnkað um næstum helming þrátt fyrir alla þessa níðslu.  Vona bara að hann haldi áfram að vera svona duglegurGlottandi (allavega fram að næsta sumri)..

Bless í bili................
Ágústa G. Ásbjörnsdóttir
6 athugasemdir

Verslunarferð!!

12. ágúst 2006 klukkan 15:30

Jæja nú erum við byrjuð að versla okkur húsgögn!!  Í gær keyptum við sófasett 3+2, cappochinobrúnt og 6 borðstofustóla.  Og í morgun fóru Binni og Einar til Vejle að kaupa borðstofuborð, það er 90x200, úr massívri eik, fékk það á ca. 12-13,000.  Svo erum við líka búin að finna sjónvarp en eigum eftir að kaupa það.  Við fáum sófann og stólana á næsta miðvikudag.  Svo förum við annaðhvort í dag eða á morgun að skoða þvottavél og eldhúsborð, fundum það notað á netinu.  Ég var búin að finna voða flotta hillusamstæðu en svo var hún seld þegar við fórum að ath. með hanaÓákveðinn.
Í gærkvöldi skelltum við okkur út að borða á Mongólískan veitingastað. Umm.. það var hrikalega gott og við borðuðum á okkur gat.  Maður velur bara ferskt grænmeti og hrátt kjöt á disk, velur svo sósur sem notast sem krydd, réttir manni diskinn og hann steikir þetta fyrir framan mann, svo voru þarna djúpsteiktar rækjur (ég er nýfarin að borða svoleiðis!!), djúpst. kjúklingur, fiskur o.fl. og hrísgrjón. Og maður mátti borða eins mikið og maður gat í sig látið Brosandi.
Við Dagmar kíktum aðeins í búðir áðan með strákana og fórum svo smá rúnt, fundum stríðsminjasafn um fyrri heimsstyrjöldina, þ.e. þegar danir fengu þennan landshluta (Sönderborg og eh. hér í kring) aftur til baka eftir að þjóðverjar höfðu náð honum af þeim.  Okkur langar að skoða það við tækifæri, örugglega mjög spennandi.

Læt þetta gott heita í bili, bless, bless...................

Ágústa G. Ásbjörnsdóttir
2 athugasemdir

Rólegheit.

11. ágúst 2006 klukkan 02:29
Hæ, hæ!!
Ég er nú búin að taka smá pásu frá skrifunum, enda hefur ekkert verið að gerast hjá okkur.  Við strákarnir bíðum bara eftir að dagurinn líði og Binni er í skólanum.  Ég dunda mér við að lesa auglýsingabæklinga, fylgist vel með tilboðum, sérstaklega á húsgögnumHlæjandi.  Í dag fóru ég og strákarnir í heimsókn á leikskólann, þeir voru alveg jafn ánægðir og vildu ekki fara heim.  Þeir byrja næsta miðvikudag.  Leikskólinn er opinn frá kl.06,30 - 16,45 og þeir þurfa helst að vera komnir fyrir kl. 9 en það má sækja hvenær sem er, það er ekki ætlast til að það sé notaður allur dagurinn (enda ansi margir klukkutímar), en það má samt alveg ef þess þarf.  Svo þarf að smyrja nesti sem þeir taka með sér og einn ávöxt.  Það er ekki skaffaður neinn matur þarna.  Svolítið skrítið miðað við "lúxusinn" á Íslandi.  En svona er þetta víst bara!!
Það styttist í að við fáum íbúðina okkarBrosandiGlottandi, það verður æðislegt og ég hlakka svo til.  En við höfum það samt mjög fínt hérna hjá Dagmar og Einari og sambúðin gengur alveg ótrúlega vel, framar björtustu vonum.
Við Dagmar fórum í bæinn í dag, fórum að sækja eyðublöð fyrir húsaleigubótum og panta viðtal hjá bænum til að komast á tungumálanámskeið og til að fá ýmsar upplýsingar, tókum svo rölt um miðbæinn og kíktum í búðir.  Við gerðum nýja uppgötvun, þ.e. við fundum nýja leið í bæinn og vorum bara ca. 2-3 mín. að keyra, hrikalega klárarGlottandi.

Bless í bili...... og saknaðarkveðjur................
Ágústa G. Ásbjörnsdóttir
3 athugasemdir

Legoland.

07. ágúst 2006 klukkan 20:00
Í gær skelltum við okkur í Legoland, þetta var örugglega heitasti dagur sem við höfum upplifað og miðstöðin í "sænska eðalvagninum" okkar var ekki alveg að ráða við þetta, við vorum gjörsamlega að stikna á leiðinniÖskrandi.  Við vorum að í rúmlega 6 klst. í Legolandi, þetta er ekkert smá flott þarna og mörg skemmtileg tæki bæði fyrir börn og fullorðna, þó aðallega fyrir börn.  Mér tókst að fá far undan hlýrabolnum! Er við það að vera skaðbrennd, mig svíður samt ekkert núna í dag, vona bara að ég fái einhvern litSkömmustulegur.  Við tókum alveg helling af myndum og látum þær líka inn við fyrsta tækifæri.
Klukkan var rúmlega 8 þegar við fórum úr Kubbalandi (eins og Ásbjörn kallaði það), þá drifum við okkur að fá okkur að borða og héldum svo heim á leið.  Heimferðin tók 1,5 klst. og strákarnir steinsofnuðu á leiðinni og sváfu alveg til morguns.

Binni byrjaði í skólanum í dag og líkaði bara vel, fannst þetta frekar auðvelt svona fyrsta daginnBrosandi, vonandi verður þetta allt bara frekar auðvelt.

Við strákarnir vorum bara að dúlla okkur í dag.  Fórum aðeins á róló í morgun. Þeir gátu því miður ekki notað rennibrautina því þeir brenndu sig bara á henni og svitinn var farinn að leka niður bakið á mér, ég var voða fegin þegar Ásbjörn bað um að fara heim, komast inn í kælingu!!  Svo kíktum við aðeins á kirkjumarkaðinn, sá þar eldhúsborð sem ég væri til í að kaupa, en ætla að sjá til.  Nú erum við bara heima í róleg heitum og ætlum kanski að kíkja aftur á róló á eftir, það er allavega kominn smá vindur núna (aldrei nokkurntímann hefði mér dottið í hug að ég færi að tilbiðja vindinn!!!!), það er 25 stiga hiti í forsælu núna, hitinn fór yfir 40 stig í sólinni í gærSvalur.

Jæja þá enn og aftur... bless í bili...
Ágústa G. Ásbjörnsdóttir
6 athugasemdir

Íslendingasamkoma í dag.

06. ágúst 2006 klukkan 02:23
Jæja, dagsplanið breyttist nú eitthvað hjá okkur í dag, við ákváðum að fresta Legolandi til morguns og skruppum í staðinn til Þýskalands. Við ætluðum að reyna að finna húsgagnaverslanir á landamærunum en fundum enga í þessari ferð, strákarnir skruppu síðan aðeins á ströndina og svo fórum við á íslendingasamkomu útí skógi.  Það kom hver með á grillið fyrir sig og þar var svakalega fínn leikvöllur fyrir börnin.  Við hittum mjög fínt  fólk og þetta var alveg virkilega gaman.
Í kvöld fóru Binni og Einar yfir til Óskars og Hafdís kom til okkar Dagmar, við fengum okkur hvítvín og spiluðum, voða kósí hjá okkur.

Þetta verður bara stuttur pistill fyrir þennan dag, bless í bili.....
Ágústa G. Ásbjörnsdóttir
1 athugasemd
Síða 16 af 18

Teljari

  • Heimsóknir í dag: ...
  • Þennan mánuð: ...
  • Frá upphafi: ...

Auglýsing

Klukkan

Sönderborg