Í dag byrjuðum við á því að skoða íbúðina okkar.  Hún leit nú bara ágætlega út, samt frekar ljót eldhúsinnrétting, stofan er stór og herbergin passleg, svo eru svalirnar yfirbyggðar og því hægt að gera tvö herbergi úr þeim, parketleggja þau og setja rafmagnsofn þar inn.  Það búa 5-6 íslenskar fjölskyldur í einhverjum af blokkunum í kring og fínt leiksvæði fyrir utan.

Svo sótti Binni um kennitölur fyrir okkur og þá förum við að verða lögleg hérna í landinu.

Við fórum líka á ströndina í dag, æðislegt veður og stákarnir nutu sín í sjónum á meðan ég lá í sólbaði - ótrúlegt en satt.
Það var 24 stiga hiti í forsælu í dag.  Strákarnir komnir með sundskýlufar og alles.
Það er svolítið fyndið að horfa yfir ströndina og komast að því að við gætum ekki týnt hvert öðru þarna, því við íslendingarnir erum álíka hvít og ísbirnir miðað við alla hina.

Á morgun stefnum við á Legoland, jibbí...., drífa það af áður en Binni byrjar í skólanum, hann byrjar næsta mánudag.

Jæja látum þetta gott heita í bili.

Þetta hefur nú verið fínn dagur hjá okkur, við fórum útí bæ og pappíruðumst aðeins og fórum svo á ströndina. Jóhann Ingi var skíthræddur við sjóinn til að byrja með en var svo kominn á fullt eftir smávegis aðlögun. Þeir bræður veltu sér í sandinum og skoluðu sig svo í sjónum til skiptis, þetta var voðalegt sport.  Svo fór að rigna og þá létum við okkur hverfa.

Næst fórum við að skoða leikskólann, okkur leist öllum mjög vel á hann, og ætluðum ekki að ná strákunum aftur út.  Ásbjörn fer líklega á deild með þremur íslenskum krökkum, þannig að þau ættu kanski að geta hjálpað honum að læra dönskuna.  Þeir eiga að byrja 16 ágúst en meiga koma í heimsókn í næstu viku og sjá hólfin sín og og hitta krakkana, það voru svo margir í sumarfríi núna.  Við erum alveg guðs lifandi fegin með það hvað þeim leist vel á þetta.

Í kvöld ætlum við bara að taka því rólega, við Dagmar ætlum að vígja nýju rauðvínsglösin og strákarnir eru að kæla sér bjór. 
Já og á morgun fáum við að skoða íbúðina okkar.  Við fundum borðstofu/eldhússtóla í dag með háu baki úr leðri á rúmlega 2000 kr. stk., þeir eru á 50 prósent afslætti,  erum að spá í að skella okkur á þá á morgun.

Jæja þá í þetta sinn....  knús og kossar

Í gær var bara afslöppunardagur hjá okkur. Strákarnir voru á náttfötunum langt fram eftir degi en fóru svo í göngutúr með mér eftir kvöldmat.  Við ætluðum að leita að götunni þar sem íbúðin okkar er en fundum hana ekki.  En svo var hún víst þarna rétt hjá, við hefðum þurft að labba pínulítið lengur, þá hefðum við fundið hana.  Ég fór útí bæ í gærdag með Hafdísi.  Ég fann mér LOKSINS veski/tösku, er búin að leita af svoleiðis heillengi, en ég fann mér engin föt í þessari ferð, verð bara að gera aðra tilraun sem fyrst.  Við settumst síðan inná kaffihús og fengum okkur bjór og heitt Nachos, hrikalega gott.

Við erum loksins búin að tæma myndavélina inná tölvuna, en þá klikkar hún, gæti verið vírus eða eitthvað í henni, það er í athugun.  Þannig að ég get ekki sett myndir inná síðuna eins og er, því miður.  Við notum tölvuna hjá Einari og Dagmar á meðan, þá get ég allavega skrifað/ bullað eitthvað.

Í dag ætlum við eitthvað í búðarölt, held ég.  Skoða útsölur á húsgögnum og svoleiðis.  Það er einhver kirkjumarkaður hér í bænum þar sem hægt er að kaupa notuð hræódýr húsgögn, ég kíkti þangað í gær og sá þar ágætis eldhúsborð, sá ekkert á því og kostaði ca. 2500 kr.  það koma ný húsgögn daglega þannig að það er ágætt að fylgast með þessu ef maður skildi detta inná eitthvað flott, en annars er frekar mikið af drasli þarna.  Við erum samt búin að finna sófasett sem okkur langar í 3+2 sófar, kremlitað og kostar u.þ.b 40,000 kr. það finnst mér ekki mikið verð fyrir nýtt sófasett.

Jæja ég held það sé nóg komið af bulli í bili, bless í bili...

Núna erum við flutt inná Einar og Dagmar og verðum hér í 2 vikur.  Við erum öll bara að reyna að koma okkur fyrir en þetta er bara voða kósí hjá okkur.  Við skráðum okkur inní landið í gær og fórum svo til þýskalands.  Við fórum með Einari og Dagmar og Óskari og Hafdísi.  Við Binni villtumst aðeins á leiðinni og þá fékk ég að dusta rykið af þýskunni minni til að geta spurst til vegar, ég er nú orðin ansi ryðguð í þýskunni en tókst samt að gera mig skiljanlega og við fundum staðinn sem við vorum að leita að.  Við versluðum í matinn í Þýskalandi og svo alveg helling af áfengi.  Það eru verslanir á landamærunum og þar er verðið algjör brandari.  Þar var m.a. hægt að kaupa 3 kassa af bjór á ca. 1600 kr. Við birgðum okkur upp á léttvíni og bjór og sátum svo langt frameftir og sötruðum á þessu og það var bara mjög gaman hjá okkur.  Við ætlum svo bara að taka því rólega í dag (sumir þunnir og svoleiðis, he,he ).  En ég, Dagmar og Hafdís ætlum að fara "stelpuferð" útí bæ í dag, kíkja í H&M og eitthvað fleira skemmtilegt.

Ég verð nú að minnast á það hvað ég er ánægð með hvað allir eru duglegir að skrifa í athugasemdir og í gestabókina, ég hlakka alltaf til að kíkja á bloggið og sjá hvort einhver hefur skrifað, (gott að mér leiðist ekki, he,he...)

Ég læt þetta gott heita í bili.
Saknaðarkveðjur.....

Jæja þá erum við komin á áfangastað - loksins.  Þetta gistiheimili er þónokkuð betra en það sem við vorum á í Álaborg, snyrtilegra og svo er sjónvarp og internet inná herberginu.  Við fórum í smá verslunarferð áðan, ég keypti mér buxur og bol og Binni keypti sér sandala.  Svo skoðuðum við húsgögn í leiðinni.  Á eftir ætlum við að redda okkur korti af bænum og leita að tilvonandi húsnæðinu okkar.  Svo ætlum við að hitta Einar og Dagmar og fá okkur saman kvöldmat.  Strákarnir skemmta sér konunglega, bæði við að slást og svo er leikvöllur hér fyrir utan.  Þeir voru gjörsamlega búnir á því eftir gærdaginn, steinrotuðust og við gátum ekki vakið Ásbjörn í morgun, bárum hann bara út í bíl og hann vaknaði á leiðinni.  Á morgun þurfum við svo að finna skrifstofu þar sem við getum skráð okkur inní landið og þess háttar.
Jæja nú ætlum við að fara að rúnta um, bless í bili....

Thad er búid ad vera thvílíkur hiti í dag, alveg um 30 stig.  Vid byrjudum á dýragardinum, fullt af spennandi dýrum. Jóhann Ingi nældi sér í bækling vid innganginn med myndum af dýrunum í, og gluggadi í hann um allan dýragardinn eins og hann væri med gull í høndunum, alveg ekta túristi.  Sídan fengum vid okkur ad borda og fórum svo í tívolí, thar fíludu strákarnir sig sko vel, nema Jóhann Ingi mátti ekki fara í øll thau tæki sem Ásbjørn hafdi aldur til ad fara í.  Ég fór í rússibana... ó mæ god, líffærin søfnudust øll saman í maganum á mér thetta var hrikalegt, en svo biladi rússíbaninn (sem betur fer), og allir farthegar voru fluttir út, ég held ég hefdi ekki høndlad ad klára ferdirnar.  Svo fór ég í annad hrikalegt tæki, sat tharna ein á øskrinu. En thetta var hrikalega gaman, en hitinn alveg yfirthirmandi, ég er ordin raud, vonandi verd ég eitthvad brún.  Eftir tívolíid fengum vid Binni okkur kebab og strákarnir kjúkling (loksins bordadi Ásbjørn vel) og nú erum vid komin á gistiheimilid, øll alveg búin á thví.  Vid stefnum á ad fara snemma af stad í fyrramálid til Sønderborg, til ad geta byrjad ad ganga frá einhverjum pappírum.

Bless í bili.....
Kvedja frá Danavelisførum!!!

Jæja þá erum við komin til Danmerkur, en þó ekki alveg á leiðarenda.  Það gekk voðalega vel í skipinu, nema tíminn leið alveg hræðilega hægt.  Það var fínt leiksvæði fyrir börnin sem var gert úr dýnum (frekar erfitt að meiðast þar), spilakassasalur og sjónvarp inná herbergi, cartonnetwork allan sólarhringinn, strákunum til mikillar gleði.  Jóhann Ingi kynntist stelpu sem er viku eldri en hann og þó náðu alveg ótrúlega vel saman. Það var mikill hiti í skipinu í gær og dag og allir úti í sólbaði, það var eins og að ganga á vegg að koma út.  En hér í Danmörku er sólarlaust en um 20 stiga hiti.  Við erum á gistiheimili í Álaborg (komumst loksins í netsamband), leikvöllur í garðinum og þvottavél, ekki veitti af henni.  Við verðum hér í 2 nætur, ætlum í dýragarð og tívolí á morgun og leggjum svo snemma af stað til Sönderborg á mánudag. 
Ég ætla að láta þetta gott heita í bili, skrifa aftur við fyrsta tækifæri.
SAKNAÐARKVEÐJUR.... frá okkur öllum.

Jæja nú gengur þetta ekki lengur, ég verð að fara að klára að pakka þessu drasli.  Ég hef enga afsökun lengur, Jóhann Ingi er orðinn hress og kominn á leikskólann, grenjandi rigning úti og ég bíllaus, þannig að.... ég hef bara ekkert betra að gera!!  Ég fór hjólandi á leikskólann áðan í svoleiðis hellidembu og var á floti þegar ég kom þangað, fór í foreldraviðtal v/J.I. það gengur allt vel hjá honum, duglegur að dunda sér, fara á koppinn og mikil framför í tali og orðaforða.  Ég fór líka nýlega í foreldraviðtal v/Á.J. og hann fékk líka mjög góða dóma, m.a. duglegur, rólegur og félagslyndur.  Og ég er auðvitað bara svooo stolt af ormunum mínum tveimur.
En yfir í aðra sálma.  Ég get ekki sett myndir inná bloggið fyrr en við komum út, því allar myndirnar okkar eru í hinni tölvunni sem er komin ofaní kassa.  Svo ég bæti bara úr því seinna.

En ætli það sé ekki best að fara að gera eitthvað í þessu pakkerí i !!!

Heil og sæl!!
Nú eru írskir dagar að líða undir lok.  Við fórum öll í götugrill á Jaðarsbrautinni á föstudagskvöldið.  Mamma og pabbi komu líka og Steinar og Rakel.  Það var ekkert voðalega hlýtt en alveg þolanlegt og alveg rosalega gaman.  Þegar ég var á leiðinni heim eftir götugrillið þá tókst mér að detta í tröppunum á leiðinni upp og gjörsamlega steinlá.  Þetta varð til þess að ég varð að sleppa lopapeysuballinu á laugardagskvöldið því ég var bólgin og hel aum í löppinni.  Aðfaranótt laugardagsins fékk Jóhann Ingi hita, þannig að við vorum bara heima í róleg heitum allan laugardaginn en Ásbjörn var svo heppinn að fá að fara með Valgerði, Söru Katrínu, Sólveigu og Ásgeir uppá Jaðarsbakka í tívolí og eitthvað tilheyrandi.  Mér sýnist Jóhann Ingi allur vera að hressast, þannig að vonandi komumst við út á morgun.

Ég var búin að skrifa slatta áðan en svo týndist það bara, frekar pirrandi.  En allavega... þá er nú ósköp lítið að frétta.  Ég og Ásbjörn fórum í "borg óttans" í dag í 10 ára afmæli hjá Sólveigu frænku.  Það var mjög fínt og auðvitað alltaf gaman að fá gott að borða:O).  Jóhann Ingi fór í pössun hjá afa sínum og var bara meira en sáttur við það.  Hann fór nefnilega í nefkirtlatöku í gærmorgun og þurfti því að hafa hægt um sig.  Aðgerðin gekk mjög vel og hann hefur verið eiturhress eftir þetta.  Það var reyndar alveg ótrúlega fyndið að fylgjast með honum eftir að hann fékk svæfinguna í sig, ég þurfti alveg að hafa fyrir því að hlæja ekki að honum.  Hann yrði örugglega skemmtilegur djammfélagi .

Ég læt þetta duga í bili..... bæjó!!!