Það er búið að vera svo mikið að gera hjá mér undanfarið að ég hef ekki komist í að blogga! Ég skilaði ritgerðinni á síðasta föstudag... fjúff... þvílíkur léttir. Ég fæ líklega einkun í lok vikunnar. Annars byrjaði ég í skólanum í síðustu viku og mér finnst ég ekki hafa tíma í neitt og helgarnar... þær hverfa bara hviss, bæng! En ég verð MIKIÐ í skólanum næstu vikur og fer í skrifleg próf 3 og 10 mars og ætla að byrja að læra núna!

Auðvitað var það rétt hjá mér með skólann... hann er sko ekki tilbúinn! Og verður það líklega ekki fyrr en eftir ca. 6 mánuði. Hárgreiðslufólkið notar neðstu hæðina í skólanum og við snyrtufræðingar hírumst í ca. 10 fm herbergi í húsi við hliðina á skólanum og þar inni voru 5 nuddbekkir til að vinna á en það er búið að fjarlægja einn því við gátum varla athafnað okkur þarna inni. Og svo verðum við að hlaupa upp og niður stiga til að sækja vatn o.fl. og á milli bygginga!!! En þetta er svo sem allt í lagi... á meðan við erum ekki að vinna margar í einu, því þá verður ansi loftlaust inní herberginu. Og viti menn, ég útskrifast eftir 7 vikur.. ligga, ligga lá!

En yfir í annað:

Það er búið að vera frekar kalt hér síðustu vikur. Og það meira að segja snjóaði síðasta laugardag minnir mig. Ég fékk smá jólafiðring!! haha...
En hann var horfinn næsta dag og nú rignir bara.

Aðfaranótt síðasta laugardags gistu Harpa og Hrannar hjá okkur. Það gekk bara alveg rosalega vel. Það fór bara ekkert fyrir þeim. En það er frekar fyndið hvað maður er fljótur að gleyma! Eða okey.. það eru 4 ár síðan ég var með kríli síðast, það er frekar langur tími og góð afsökun fyrir að gleyma. En allavega... ég þurfti alveg að hafa fyrir því að muna að skipta um bleiur og ég þurfti líka að muna að tékka á barninu öðru hvoru (það heyrðist varla í honum) og fylgjast með hvort hann setti eitthvað í munninn og svoleiðis. Ég er orðin svo góðu vön! Strákarnir koma bara til mín ef þeim vantar eitthvað. En þetta var alveg skemmtileg upprifjun en í leiðinni... góð getnaðarvörn .

Á sunnudaginn hélt ísl.félagið uppá öskudaginn. Allir áttu að mæta í búning. Ásbjörn var Star wars, Jóhann Ingi var Turtles, Binni var í fótboltafötum og ég var kúreki. Kötturinn var sleginn úr tunnunni og svo var boðið uppá kaffi, kakó og vöfflur. Mjög skemmtilegur dagur  og svo átum við líka á okkur gat af rjómabollum um helgina.

Ég veit ekki hverju meira ég á að ljúga að ykkur... mmmm.... nei man ekki eftir neinu fleiru.

Bestu kveðjur að þessu sinni............

Rétt svar kemur í næstu viku!!!

Annars ekkert að frétta.

Ég er byrjuð á ritgerðinni ... þá er bara að halda áfram með hana!

Var á kaffihúsi í dag með Jónu og Möggu Lukku. Fórum svo í eina líkamsræktarstöð til að tékka á verði á þeim staðnum. Það er hálfgert verðstríð í gangi hér hjá líkamsræktarstöðvunum. Þetta var frekar furðulegt, við spurðum sem sagt um verð þarna en konan sem var að VINNA þarna vissi það ekki!!! Og ég spurði þá hver vissi það! Og hún sagði að það kæmi kona á mánudaginn sem gæti sagt okkur það og stuttu seinna sagði hún að það væri önnur kona í fyrramálið sem gæti sagt okkur verðið! Og einhversstaðar í samtalinu missti hún útúr sér að hún mætti ekki segja okkur verð!!! Þetta þykir mér frekar fáránleg þjónusta.

Ásbjörn er farinn að æfa sig í dönsku með pabba sínum, en það má enginn vita það... ekki einu sinni ég! Þetta er bara þeirra "leyndarmál", hann sagði mér í dag að hann myndi segja mér leyndarmálið seinna og sagði pabba sínum að kennarinn hans mætti vita þetta þegar hann væri orðinn góður í dönsku . Þá er bara að biðja og vona að þetta sé spor í rétta átt.

Við Binni fórum í búð í morgun og keyptum þrautabækur á dönsku fyrir strákana. Bækur með orðum fyrir Ásbjörn og tölur fyrir Jóhann Inga. J.I. er alltaf að leggja saman tölur og er reyndar líka mikið að spá í stafina en hann fær líka stafabók við tækifæri .

Í kvöld fer ég á fund og síðan í hvítvín til Dagmar , spurning um að fara labbandi!

Eitt enn... ég er byrjuð í megrun... eina ferðina enn, samt ekkert áramótaheit, bara einhver fastur liður eins og venjulega! Keypti mér Mini steps á mánudaginn, það eru einhverskonar tröppu-tæki. Ég prófaði það fyrst í gær, byrjaði á því að blóta klukkunni á tækinu! Marg ríndi á hana til að ath. hvort hún virkaði ekki alveg örugglega, mér fannst ég vera búin að vera svo lengi á þeim... en klukkan sýndi bara 5 mín. en hún var ekkert biluð... bara tímaskynið í mér eitthvað brenglað (og þolið ), en þetta tók alveg á.
Svo fór ég á körfuboltaæfingu á þriðjudaginn. Ég er búin að vera svo neikvæð með körfuboltann undanfarið, var orðin leið á honum fyrir nokkrum mánuðum og hef ekkert mætt. Ákvað samt að fara á þriðjudaginn -í síðasta skiptið, en það var bara svoo gaman og ég ætla aftur og aftur... Ég var að því komin að springa á fyrstu metrunum en lifði samt af þessa 4 leiki sem við spiluðum. Hlakkar bara til að fara á næstu æfingu .

Jamm.. det var det... dass was für heute! (Veitir ekki af að æfa smá þýsku inná milli!)

Bestu kveðjur....