Ég ætlaði að vera SVO dugleg áðan og drífa mig í körfubolta EN svo komst ég bara ekki . Binni er ekki heima og það voru svo margar búnar að afboða komu sína þannig að það hefði ekki verið karfa hvort sem er. Í þessi þrjú skipti sem ég hef sko ætlað að demba mér af stað í körfu, þá hefur henni verið aflýst!! Ég ætti kannski að fara að taka þessu persónulega. Kannski er ég ekkert svona hrikalega skemmtileg eins og ég held ég sé  (haha..). Kannski finnst fólki ekkert gaman að heyra hetjusögur af mér í hvert skipti sem það hittir mig og kannski fílar fólk ekkert fimmaurabrandarana og...og..og....

                                                                 

Ég er búin að komast að því og viðurkenna að spegillinn sem ég keypti mér síðasta vor... er bara blöff!!!
Ég lít í hann öðru hvoru og hugsa: Ok ég er ekkert svo hrikalega feit en svo kem ég í skólann og þar eru fullt af speglun OG þar er ég feit .
Ég hefði átt að láta spegilinn inná baðherbergi duga mér, því þar sé ég bara hausinn á mér og get því ekki verið að svekkja sjálfa mig yfir restinni af líkamanum.

Ég setti mér markmið í dag! Ég vona að ég standi við það og ef svo er þá skrifa ég um það seinna. Leyndarmál, ekki segja frá... því sem enginn veeit.

Ég fór á Bubbatónleikana síðasta laugardag, það var rosalega gaman. Og hrikalega er Bubbi góður í dönsku. Brandararnir hans voru alveg jafn fyndnir á dönsku og íslensku og hann gerði óspart grín að dönum.. frekar fyndið . En síðan var eitthvað blindfullt pakk þarna sem kom með heilan kassa af bjór með sér og var veltandi flöskunum til, með tilheyrandi látum og svo voru þau endalaust gjammandi eitthvað og voru bara dónaleg. Það var það eina sem skyggði á.

Bílamálin hjá okkur eru ennþá í vinnslu... bíllinn fékk endurskoðun . Binni er búinn að vera að gera við bílinn í dag og vonum við að það dugi. Hann fer aftur í skoðun á fimmtudaginn.

Nú er stutt skólavika hjá mér, bara morgundagurinn eftir. En ég ætla að reyna að byrja að skrifa ritgerð um helgina. Ef einhver lumar á góðri ritgerð um Bláa lónið þá ... óskast hún hér með til láns . Haha... bara að grínast!!! Ég þarf bara að skrifa 12-18 bls.  og ég mikla það rosalega fyrir mér. En ætli það sé ekki bara spurning um að byrja að skrifa og þá kemst maður í gang.

Jæja, best að kíkja á imbann. Það er skársta sjónvarpsdagskráin á virkum dögum!! Síðasta föstudagskvöld var ég að horfa á Evrópu eða heimsmeistaramót í Dómínó Á þýsku. Mjög spennandi keppni. Þetta var ótrúlega flott og ó my god hvað þetta blessaða fólk hlýtur að hafa góða þolinmæði, að raða milljón kubbum upp eftir einhverri mynd og láta svo allt saman hrynja!!! Og það hlýtur nú stundum að gerast að þegar fólk er að leggja síðustu kubbana niður og verkið alveg að klárast þá rekur það sig AÐEINS í og ALLT dómínóið hrynur og þeir þurfa að byrja uppá nýtt .

Ó já gott fólk, mér leiðist sko ALDREI .

Knús og kremjur....... þar til næst...

Sendi mail í vikunni um hvort ég fengi miða á Bubbatónleikana, en miðasalan hætti fyrir löngu. En lucky me... ég fékk miða . Fer þá sem sagt til Flensborg á morgun, svo er líka myndlistasýning með Tolla, ég er nú ekki mikill listaunnandi!!! En það verður örugglega gaman að kíkja á það líka.

Við Binni erum búin að vera í viðtölum við kennarann hans Ásbjörns. Það er verið að vinna í því að fá barnasálfræðing eða einhver sérfræðing til að hjálpa okkur að vinna í því að fá barnið til að tala. Ef þetta heldur mikið lengur svona áfram þá erum við svo hrædd um að hann fari að einangrast.

Kennarinn kom okkur rosalega á óvart. Við vorum búin að dæma hana heldur harkalega en svona er þetta bara svo oft. Maður dæmir alltaf fyrirfram og er síðan alltaf jafn hissa þegar maður kynnist viðkomandi.

Ég veit ekki alveg hvernig ég á lýsa því hvernig mér fannst hún fyrst; frekar fruntuleg (ef það er lýsingarorð?), talar hratt og mikið og lætur allt gossa og er eitur hress (en ég var búin að ákveða að það væri bara á yfirborðinu og undir niðri væri hún algjör gribba).

En núna er lýsingin á henni svona; Eitur hress, talar hratt og mikið, er ákveðin en sanngjörn, og hún talar hreint og beint út sem er auðvitað bara mjög gott.

En allavega ætlar kennarinn að drífa þessa pappírsvinnu af og vonumst við öll eftir einhverri niðurstöðu von bráðar.

Ásbjörn fékk rosalega gott umtal frá kennaranum. Hún sagði að hann væri mjög klár og að mörgu leiti fram yfir samnemendur sína í getu (verkefnum og hugsun). Henni finnst ótrúlegur þessi "sjálfsagi" hjá honum að tala ekki en geta samt tjáð sig og sýnt tilfinningar.
Hún lét hann hætta í dönskustuðningum fyrir nokkrum vikum síðan (en ég frétti það í dag!), því hún vildi frekar hafa hann hjá sér og sagðist halda mikið uppá hann.

Ég spurði Ásbjörn út í kennarann um daginn, vildi forvitnast um hvernig hún kæmi fram við hann (áður en ég talaði við hana í einrúmi og "kynntist" henni aðeins). Hann lét mjög vel að henni og sagði að hún væri mjög góð við sig. Það var mikill léttir.

Hún sagði líka að bekkjarfélagar hans væru mjög góðir við hann og hann hefur ekki lent í neinu einelti eða neinu svoleiðis. Það bíða allir spenntir eftir að hann fari að tala. En auðvitað verður þetta erfiðara fyrir hann með hverjum deginum.

Hann fékk líka mjög góða dóma frá íslenskukennaranum . En þar er hann allt öðruvísi í tímum. Þar þorir hann að tala og vera hann sjálfur. Vinnur mjög vel og er áhugasamur.

En ég óska þess svo innilega að það er hægt að hjálpa honum út úr þessu.

Ég verð nú að segja frá einu fyndnu sem hann gerði!!
Hann teiknaði rosalega flott mynd í skólanum. Myndin var af trúð sem var með 3 bolta á hausnum og sat á hjóli með einu dekki. Þetta var rosalega flott nema að trúðurinn var með lafandi brjóst niður á nafla , hahaha... ég sprakk úr hlátri þegar ég sá það.

En jæja læt þetta duga í bili...
Skrifa aftur á sunnudaginn.
Knusss...

Og eins gott að þetta takist núna .
Seinni partur síðustu viku fór í að lesa undir próf. ZZzzzzz..... hrikalega verð ég alltaf þreytt þegar ég hugsa um próf, hvað þá þegar ég byrja að lesa, skil ekkert í þessu!!! Ég kom mér agalega vel fyrir í sófanum á fimmtudaginn og fór að lesa og las og stein sofnaði . Mig dreymdi alveg stór furðulega og meðan ég svaf var eins og líkaminn væri sofandi en undirmeðvitundin vakandi og ég var allan tímann að berjast við að standa upp. Svo loksins þegar ég vaknaði stökk ég á fætur og var að drepast í öxlunum!!! Á föstudag ákvað ég að koma mér fyrir á öðrum stað og lesa, s.s. í baðkarinu, hver sofnar í baði að morgni til? Ó jú, það er hún ég!!! Vaknaði síðan í ísköldu vatni og endaði við að lesa við eldhúsborðið án þess að sofna. Ég náði nú þessu blessaða prófi en ég er hrikalega fúl með þessa dönsku einkunnargjöf. Það er komin ný einkunnargjöf hér í landi og samkvæmt henni fékk ég 4 (á gamla skalanum er það 7/8, önnur bekkjarsystir mín fékk 3 villum minna en ég og fékk 10 og ein önnur bekkjarsystir fékk 7 villum minna en hin og fékk líka 10. Þetta getur nú varla verið fáránlegra. Einkunnargjöfin er á skalanum -3 til 12 minnir mig.
En ég náði allavega en er ekki sátt. Strokaði út nokkur rétt svör og gerði vitlaus í staðinn.

Á síðasta laugardag var kvennadagurinn. Það var mjög gaman. Fórum í Wellness center í sund, sauna og "heitann" pott, hann var frekar volgur og það sprautaðist kalt vatn úr botninum. Síðan fórum við út að borða á Mexican bar og síðan var kíkt á skemmtistaðina.
Binni fór til Hamborg á laugardaginn með fullt af strákum, rosa gaman hjá þeim. Þeir fóru í Go kart á stað sem heitir Ralph Schumacher, einhver rosa flott braut.
Strákarnir fóru í pössun á sitthvorn staðinn og nutu sín báðir í góðum félagsskap .

Á sunnudagskvöldið var okkur boðið í mat hjá Svan og Elsu. Maturinn var rosa góður og Ásbjörn sá lifandi kisuna þeirra í fyrsta skiptið. Eftir matinn fundu Ásbjörn og kisan sér góðan stað í góðu næði frá öllum öðrum. Þegar við kíktum á þau, lá kisan í þvílíkum makindum og malaði hástöfum . Þegar við vorum að fara heim byrjaði Ásbjörn að kvarta um verk í augunum og var orðinn rauður og þrútinn. Hann kældi augun á leiðinni heim með kaldri tusku og fór svo beint úr fötunum og í bað. Honum leið strax betur eftir það. Ég hef nú aldrei áður séð ofnæmi (ormaæði eins og Ásbjörn misskildi mig) en ég er nokkuð viss um að það hafi verið að angra hann . Ég man ekki eftir að hann hafi verið svona lengi nálægt ketti áður eða allavega fengið að klappa svona lengi en hann þolir allavega vel hunda og hestahár (thank God). En þetta er samt mjög sorglegt því hann elskar dýr og var ný búinn að segja við mig að kisur eru uppáhalds dýrin hans . En þetta kemur allt í ljós næst þegar hann hittir kött!!

Já! Svo erum við orðin bíllaus!!!
Það er búið að klippa númerin af bílnum, hehemm...
Leyfið okkar rann út í ágúst... og tíminn líður bara svo rosalega hratt . En við erum nú eiginlega bara búin að vera að bíða eftir að vera tekin, endalaust búin að trassa þetta. En nú er verið að vinna í að fá dönsk númer og það tekur tíma og þolinmæði. Enginn veit neitt í Dk. og fólk er sent hingað og þangað og fær engin svör, bara gaman að því . Það tókst samt að fara með bílinn í skoðun í dag... og hann fékk endurskoðun, hann mengar ALLTOF mikið plús eitthvað fleira.
Nú er bara hjólað um allt!!! Við höfum bara gott að því en samt verst hvað er orðið kalt. Binni og strákarnir fá nú að finna fyrir því frekar en ég. Svanur og Elsa voru svo elskuleg að lána okkur bílinn sinn í dag. Binni fór m.a. með strákana útí bæ til að galla þá upp fyrir veturinn, eigum bara eftir að kaupa snjóbuxur.

Það er "löng" vika hjá mér núna! Ætla í skólann á fimmtudaginn og gisti því í Fredericia aðfaranótt fimmtudags. Ég get varla beðið eftir að klára skólann, bara tæpir 4 mánuðir eftir. Það er frekar þreytandi að þvælast svona á milli.

Það eru Bubbatónleikar í Flensborg á laugardaginn. Ég var alltaf á báðum áttum hvort ég ætti að fara og hverjum ég gæti farið með en nú er hætt að selja miða en ég ætla að prófa að senda mail. Mig dauð langar að kíkja þangað.

Jæja, ég þori varla að ýta á vista ... en verð víst!

Kærar kveðjur...

Jæja þá er maður komin heim eftir yndislega helgi . Við vorum í borg sem heitir Stettin og liggur við landamæri Þýskalands. Gistum á Hótel Radisson sas sem var mjög fínt og flott morgunverðarhlaðborð. Ég var í herbergi með Möggu Lukku og Láru. Við vorum komin á leiðarenda um miðnætti á fimmtudagskvöld og það ótrúlegasta og fyndnasta var að fyrsta fólkið sem við mættum á herbergisganginum okkar voru ÍSLENDINGAR... en ekki hvað!!!!!
Það var ræs kl. 8 á föstudagsmorgun (nýta tímann), hent sér í föt og borðaður morgunmatur og kl. 9 lá leiðin til Peter vinar okkar í kristalsbúðinni. Hann er með þvílíkt úrval af pólska keramik stellinu (marglitu bollunum sem m.a. fæst í Byko) og slatta af kristal og glervörum. Sumar misstu sig þarna, aðrar ekki . En ég keypti ekkert hjá honum fyrr en í næstu og þarnæstu ferð til hans, varð að skoða úrval annarsstaðar líka. Við kíktum líka við í dúkabúð og þar voru tvær pólskar konur að afgreiða sem töluðu bara pólsku, og það var algjör brandari að hlusta á samskipti þeirra og einnar úr okkar hóp. Hún talaði íslensku og þær pólsku og svo var bent hingað og þangað og þegar þær skildu sögðu þær tak (sem ég held að þýði frekar einmitt eða eitthvað í þá áttina) þetta var algjör snilld. En ég keypti mér tvo dúka á borðstofuborðið. Svo var moll við hliðiná hótelinu og þar var nú ekki mikið mál að gleyma sér í nokkra klukkutíma . Ég fann mér kápu í H&M og er hrikalega ánægð með hana. Verð á fötum er frekar svipað og hér í Dk, kannski pínu ódýrara ef eitthvað er en ekkert til að eltast við. Og svo er til mikið úrval af fötum í pastellitum, æðislega lekkert . Á föstudeginum fórum við Magga í nudd. Það var náttúrulega æðislegt, klukkutíma heilnudd og svo fórum við bara uppá herbergi og undir sæng og höfðum það kósý að lesa vikuna. Um kvöldið fórum við að borða á Pizza Hut, það var orðið ansi langt síðan ég smakkaði það og svo fóru sumar í bíó og aðrar að slappa af, þar á meðal ég, kíkti á barinn á hótelinu með nokkrum af gellunum .

Dagmar, Einar og Örn og Óskar, Hafdís og litla dúllan þeirra voru líka á sama hóteli og við . Við Magga tókum rölt með Dagmar og co. á laugardeginum og svo var verslað og slappað af og keypt prince póló of course.
Á laugardagskvöldið fórum við allar saman út að borða á stað sem heitir Colorado. Það var mjög gaman og maturinn virkilega góður. Eftir það var bara farið aftur á hótelið og við Magga fórum á barinn á 11 hæð og fengum okkur einn drykk fyrir svefninn.

Á sunnudeginum var Peter ræstur út!!! Maðurinn í kristalsbúðinni. Hann var búinn að gefa okkur símanúmerið sitt og sagði að við mættum ræsa hann út á sunnudeginum og hann yrði mættur eftir hálftíma, sem hann líka gerði og þá var verslað ennþá meira .
Eftir að við komumst svo út úr búðinni (karlinn getur talað alveg endalaust mikið og við vorum búnar að mæla okkur mót við hinar stelpurnar fyrir brottförina heim! Hann var heilar 45 mín. bara að pakka dótinu í kassa fyrir okkur og afgreiða. Hann gat ekki talað og unnið á sama tíma  )

En allavega þá náðum við að fá okkur að borða og lögðum svo af stað heim rúmlega eitt og vorum komar um kl. 20,30

Það var voða gott að koma heim. Binni var búinn að elda rosa góðan mat og strákarnir svo ánægðir að sjá mig. Ásbjörn var veikur og var alveg límdur upp við mig sem er frekar óvenjulegt því hann er ekki þessi kelirófa eins og bróðir sinn. Vildi sitja í fanginu á mér og láta strjúka hárið og fékk svo að sofa í hálsakotinu um nóttina .

Ég fór síðan í skólann í gær og er núna heima með Ásbjörn.

Já ég gleymdi alveg að skrifa að ég keypti líka nokkrar jólagjafir, wiskýglös fyrir Binna, skál fyrir mig og jólaskraut og dót fyrir strákana.

Ég ætla að nýta tímann í dag og þrífa... real live again.... og leyfa Ásbirni að komast í tölvuna .

Og eitt enn... mamma og pabbi eru að koma til okkar 4 des. þannig að nú tel ég bara niður , ætla samt ekkert að segja strákunum frá þessu strax. Íris, Siggi, Arnar Daði og Gylfi eru líka að koma á sama tíma  og verða hjá Svan og Elsu.... jiii... hvað þetta verður gaman .

Eiit enn:
Bergþóra, Hannes og Jón Gautur, til hamingju með litlu prinsessuna .

brútzki, grússkítz... Mínerva Prolottzki (nýtt nick name!!)