Ég er búin að vera alveg einstaklega heppin undanfarið!!! Reyndar er ég voða oft "heppin" en undanfarnir dagar hafa slegið öll met .

Day one:
Á miðvikudagskvöldið í síðustu viku keyrði ég ein heim úr skólanum. Það er nú ekki frásögum færandi, nema það að það var svo mígandi rigning að rúðuþurrkurnar höfðu varla undan, himininn svartur og þrumur og eldingar. Mér leist nú ekkert alltof vel á þetta en hélt mig bara í hæfilegri fjarlægð aftan við flutningabíl, þá gat ég elt afturljósin á honum því ég sá varla annað í kringum mig. Síðan gerist það... úúú.... eldingu slær niður, beint fyrir framan bílinn hjá mér á hraðbrautinni. Þetta minnti helst á flugelda, það spýttist glóð upp eftir eldinguna og svo kom reykur og blossi í augun. Ég snarbremsaði að sjálfsögðu og flaut í gegnum reykinn. DJÖFULL var ég hrædd . Ég fór samt ekki að grenja sko, hehe... en ég skalf allavega í korter á eftir og í hvert skipti sem himininn tók að loga byrjaði ég að skjálfa. Svo flaut líka bíllinn hjá mér í einni beygjunni á sveitaveginum, það var nú heldur ekki til að hjálpa mér að slaka á. Já ég var alveg að skíta á mig þarna þetta kvöld, og hugsaði bara að ég yrði að komast heim til mín!!! Og mikið hlýt ég að hafa góða sál sem vakir yfir mér .

Day too:
Á föstudaginn fékk Jóhann Ingi astma, eftir næstum eitt ár í pásu. Ég sem hélt hann væri sloppinn, en svoleiðis á maður víst ekki að hugsa.
Hann byrjaði að hósta um morguninn og fór versnandi með deginum og um kvöldið hringdi ég á læknavaktina. Ventolinið hans virkaði ekkert á hann og hin lyfin voru útrunnin!! Hann sendi mig með hann á barnadeildina á sjúkrahúsinu og þar fékk hann 2x friðarpípur og stein svaf á meðan þeim var dælt í hann. Við vorum í u.þ.b. 2 klst. á sjúkrahúsinu og eftir það var hljóðið í honum orðið miklu betra og við fórum heim. Jóhann Ingi stein svaf og ég ætlaði auðvitað styðstu leið heim, sem tekur ca. 5 mín. En nei, það var menningarnótt í bænum og ég lenti í ný störtuðu maraþonhlaupi. Ég var búin að heyra að 800 manns hafi skráð sig í þetta hlaup og ég þurfti að bíða eftir að öll runan færi framhjá bílnum áður en ég mátti keyra af stað og ég var 30 mín. á leiðinni heim til mín.

Það er nú ekki bara búið að vera leiðinlegt hjá okkur undanfarna viku.
Ásbjörn er með 2 lausar tennur og svífur vegna þess um á bleiku skýji. Nú finnst honum hann í ALVÖRU orðinn stór .

Og Jóhann Ingi fór til tannlæknis á fimmtudaginn. Hann er búinn að vera stokk bólginn og aumur í tannholdinu. Tannlæknirinn vildi meina að 6 ára jaxlarnir væru að koma upp í drengnum. Og það fyndna við það er að hann fékk fyrstu tönnina sína rúmlega eins árs (ég var farin að halda að barnið yrði tannlaust for ever) og nú er hann að verða 4 ára og er að fá jaxla!!!

Við erum búin að fara einu sinni í Katrinelund, í pic nick. Við hittumst nokkrar ísl. mömmur sem eigum stráka, þannig að þetta var hálfgerður strákadagur. Voða gaman.

Á föstudaginn komu Elsa og Svanur og co. og Dagmar og Örn og við pöntuðum okkur pizzur saman.
Í gærdag fórum við í 5 ára afmælisveislu hjá Tristan, þetta leit reyndar út eins og fermingarveisla af kræsingunum að dæma og auðvitað var borðað yfir sig .
Svo var kósýkvöld hjá okkur Dagmar í gærkvöldi .
Og í dag fór Ásbjörn í afmæli til bekkjarbróður síns og svo fórum við öll til Svans og Elsu og við elduðum okkur saman.

Ég fékk rosalega skemmtileg skilaboð frá kennaranum hans Ásbjörns um daginn. Í sérkennslunni sem hann er í er hann orðinn svo duglegur að tala að hann talar næstum mest af krökkunum sem eru með honum þar .
Hann er líka að safna sér punktum, ef hann talar í skólanum fær hann punkt og eftir einhvern tíma fær hann verðlaun, ef hann er duglegur. Og þetta er alveg að virka á hann.

Og svo er eitt enn!!
Binni er búinn að kaupa sér vespu. Þannig að nú kemst hann ferða sinna án þess að vera bundinn við að fá einhvern til að skutla sér. Strákunum finnst þetta algjört æði. Kalla þetta mótorhjól og fá stundum að sitja aftan á hjá Binna og fara smá hring . Það verður líka munur fyrir hann að geta farið á vespunni í skólann, því nýji skólinn er svo langt í burtu frá okkur.
Binni fer í gifsskiptingu á næsta fimmtudag. Getur varla beðið eftir að losna við saumana og hækjurnar. Saumarnir eru farnir að pirra hann og hækjurnar alltaf fyrir honum!!!!

Ég verð nú líka að nefna hvað ég var ánægð með viðbrögðin við áskoruninni!!!
Ég vildi nú ekkert vera frek og neyða fólk til að kommenta en það var rosalega gaman að fá svona mörg , hehe..
Það er nefnilega ekkert gaman að skrifa og fá svo engin viðbrögð .

Jæja, nú hætti ég. Binni ætlar að fara að rífa í sundur tölvuna, hún er búin að vera svo leiðinleg, á það til að frjósa og svoleiðis vesen. Og bara eins gott að ég nái að vista þessa vitleysu sem ég er búin að skrifa .

Knús og kremjur á línuna....

Nú eru ferðalangarnir komnir og Dagný reyndar farin aftur!!
Ferðalagið gekk mjög vel hjá þeim, enda svosem ekki við öðru að búast!!
Binni þurfti að fara á sjúkrahúsið næsta dag og láta lappa aðeins uppá gifsið, það blotnaði aðeins í Kaupmannahöfn. Annars er hann búinn að vera ágætur í löppinni samt fyrir utan smá verki. Hann verður bara að passa sig að taka því rólega rétt á meðan þetta nær að gróa og njóta þess að liggja með tærnar uppí loftið -í orðsins fyllstu merkingu . Svo var hann svo sætur í sér og gaf mér gjöf þegar hann kom. Ég fékk rosalega fallegt úr frá DKNY .

Jóhanni Inga var demt beint í leikskólann daginn eftir að hann kom heim, hann var alveg sáttur við það. Ég sótti hann bara snemma og á heimleiðinni komum við við í búð. Hann var svo agalega þreyttur og ég spurði hann útí það og minns svaraði agalega dramatískt: Já, ég er alveg að deyja!! Og þegar við vorum komin heim var hann kominn með hita . Þannig að hann hefur fengið að dúsa inni síðan en fær að fara út á morgun.

Það var rosalega gaman að fá Dagný í heimsókn. Við gerðum nú ekkert mikið en tókum þó búðarölt alla dagana, kíktum á útsölurnar. Og í gær keyrðum við til Gråsten sem er um 15 km héðan og gengum um sumarbústaðagarð drottningarinnar. Þetta er nú engin smá smíði af sumarhúsi, heill kastali!!! Og garðurinn mjög flottur.

Ásbirni gengur mjög vel í skólanum. Hann er svo stoltur og sáttur þegar hann kemur þangað, segir bara bless við mig og gengur í sætið sitt (þvílíkur munur, það er svo erfitt að þurfa að skilja við hann þarna ósáttann). Hann fær stuðningskennslu nokkra tíma í viku, ásamt 3 öðrum erlendum krökkum og einn dag í viku læra krakkarnir úti í náttúrunni, sama hvernig viðrar. Mér finnst það hljóma mjög vel.

Nú er nágranni minn fluttur!!! Hann sagði mér að konan hans og börn væru komin til hans og þau hafi þurft að flytja í stærra (ææ). Nú angar gangurinn ekki lengur og engin ófögur sjón þegar maður kemur heim . Vona bara að það sé einhver almennilegur sem kemur í staðinn. Ekki það að þessi maður hafi verið eitthvað slæmur, hann var bara bölvaður sóði.

Svo er verið að skipuleggja húsmæðraferð til Póllands .
Það er verið að safna saman konum og bílum og stefnt á að fara í október og vera eina helgi. Og auðvitað á að kaupa kristala og princ polo.
Ég ætla að reyna að komast ef ég fæ að sitja í með einhverjum, treysti nefnilega ekki "sænska eðalvagninum" svona langt út fyrir landssteinana.
Og svo fer það líka eftir því hvernig stendur á með gallsteinaaðgerðina.
Ég fór í blóðprufu á fimmtudag og fæ útúr henni eftir helgi og svo fer ég í ómskoðun eftir rúma viku. Ég veit ég er óþolinmóð að eðlisfari en mér finnst þetta samt taka alltof langan tíma. Það liggur við að ég vonist eftir næsta krampa til að komast bara beint á skurðborðið!!! Ég nenni ekki að standa í þessu veseni.

Þangað til næst..... bless í bili....

Eitt enn..... smá áskorun.....
Það yrði rosa gaman ef þið yrðuð duglegri að kommenta eða kvitta í gestabókina. Það er nefnilega svo gaman að sjá hverjir eru að kíkja við. Ég bíð alltaf spennt eftir kvitti .  KOMA SVO.....

Ég lenti í frekar "skemmtilegri" lífsreynslu í nótt!! Ég hef reyndar lent í þessari sömu lífsreynslu áður en þá átti ég ekkert vopn!!
Þannig er mál með vexti að þegar ég var að fara að sofa í gærkvöldi heyrði ég alltaf einhver hljóð og grunaði að það væri bara vindurinn að blása á gardínurnar. EN... ég er svo klikkuð, að ég varð endilega að kveikja ljósið til að sjá hvort ég hafði ekki örugglega rétt fyrir mér, og jú ég hafði sko rétt fyrir mér. En auðvitað á maður aldrei að kveikja ljós að nóttu til með opinn gluggann, dööö....
Þegar ég ætlaði svo loksins að fara að sofa aftur (vitandi það að skrítna hljóðið kæmi frá gardínunum!!!) þá heyrist... bisssss...... við eyrað á mér og ég slæ frá frá mér, bíð svo í smá stund og bissss.... sama sagan endurtekur sig nokkrum sinnum. Þá mundi ég eftir því að snillingurinn hann Ásbjörn vildi endilega að ég keypti fyrir sig flugnaspaða í gærdag og mín sótti spaðann, lokaði glugganum, kveikti á sjónvarpinu og beið eftir helv.... mýflugunni og viti menn, ég smjallaði henni, múhahaha... . Og fékk svo að sofa óáreitt í alla nótt.  Helv... hefur þó náð að setjast einu sinni á mig, ég er með svakalegt bit á innanverðu lærðinu og svo er ég með bit frá því í gærdag á sköflungnum. Ég held ég fjárfesti í kláðaspreyji í dag víst flugurnar eru orðnar svona ástfangnar af mér .

En nóg um það.

Ásbjörn var rosalega duglegur í gærmorgun þegar ég fór með hann í skólann, sagði bara bless við mig og ekkert mál. Eftir skóla fórum við að kaupa skólatösku. Ég var búin að skoða í allar búðir fyrr um daginn en það var bara svo lítið úrval til. Skólatöskusalan hefur örugglega byrjað í júlí og nú er allt að verða búið, það er ekkert verið að panta meira í þessar búðir!!! Við fundum samt fína tösku með öllu tilheyrandi: nestisboxi, brúsa, íþróttatösku og meira að segja regnpoka til að hylja töskuna með. Og svo held ég að hún sé góð fyrir bakið og böndin á henni eru góð. Ég kann ekkert á svona skólatöskuval og reyndi því að velja tösku með góðu baki, en mér sýnist hún mjög lík JEVA töskunum, mig langaði svo að kaupa svoleiðis.
Í gærkvöldi fórum við svo að borða á Mc´donalds, ég var búin að lofa honum því ef hann yrði duglegur í skólanum.  Svo tilkynnti hann mér það að hann vildi vera lengur í skólanum í dag, eða til kl.15

Hann var líka mjög duglegur að fara í skólann í morgun, samt pínu erfitt en hann hafði mikið fyrir að harka það af sér. Jónas vinur hans var ekki kominn svo hann var pínu ráðvilltur þarna. Eftir skóla ætlum við að heimsækja Tristan vin hans, Ásbirni er búið að hlakka mikið til þess .

Ég má nú ekki gleyma aðal "kjaftasögunni" !!!  Hehe...
Hún er um vibbann hérna við hliðna á mér. Ég ætlaði ekki að trúa mínum eigin augum, það er komin austurlensk kona og tvö börn til hans í íbúðina. Hummm... ég trúi því nú samt ekki að hann sé genginn út!! Á póstkassanum hans standa tvö önnur nöfn, sem hann hefur sjálfur sett á fyrir löngu síðan og ég hélt bara að hann væri farin að nafngreina pöddurnar inni hjá sér!! En kannski eru þetta börnin hans??? Humm... ég held ég verði að fara að leggjast á gæjugatið á hurðinni, híhí.... djók.

Ég er alveg að drepast úr leti. Hafði hugsð mér að fara til Þýskalands að versla en bara nenni því ekki. Og ekki get ég látið eftir mér að skríða aftur uppí rúm þó ég hafi staðið í stríði í nótt. Humm... mér þykir það samt góð afsökun en nei...

Eitt enn:

Til hamingju með afmælið elsku pabbi minn, vona að þið hafið það gott í útilegunni.

Knús og kremjur...